Працоўная дзейнасць у дзіцячым садку — гэта адзін з важнейшых бакоў выхавання дзяцей дашкольнага ўзросту, які выяўляецца ў азнаямленні дзяцей з працай дарослых, далучэнні да працы, фарміраванні паважлівых адносін вынікам працы і імкнення аказваць пасільную дапамогу дарослым,а таксама якасна выконваць даверанае ім заданне.
Акцыя «Супраць тытуню» прайшла ва ўстанове адукацыі, выхавальнік дашкольнай адукацыі правёў гутарку з выхаванцамі аб шкодзе тытуню, выхаванцы вырабілі памяткі замалёўкі.
У рамках праграмы Года якасці выхаванцы працягваюць знаёміцца з прафесіямі і месцам працы іх бацькоў. Выхаванцы разам з выхавацелем дашкольнай адукацыі Арцямук А.М. наведалі механічны двор у аг.Хорава, даведаліся аб прафесіях дарослых
Выхавальнікі дашкольнай адукацыі для фарміравання ў выхаванцаў здаровага ладу жыцця, правялі дзень спорту. Выхаванцы праз розныя фізічныя практыкаванні развівалі спрыт, раўнавагу і іншыя фізічныя якасці, тым самым умацоўваючы і гартуючы свой дзіцячы арганізм.
Выхаванцы з выхавацелем Арцямук А.М. наведалі сажалку ў аг.Хорава, выхавальнік расказаў аб насельніках сажалкі, аб раслінным свеце. Таксама выхаванцы ўбачылі кукурузнае поле, змаглі разгледзець бліжэй гэту расліну.
З надыходам лета выхаванцы дашкольнай установы адправіліся з выхавацелем Арцямук А.М. падарожнічаць па родным краі: наведалі раку Ясельду, назіралі за прыродай, вывучалі аб’екты прыроды і проста дыхалі свежым паветрам.
Дзеці летам ранкам золкім
Селі маляваць вясёлку.
Малявалі-малявалі —
Спрэчкі тут завіравалі:
З колераў якіх яна
Так прыгожа складзена?
Выхаванцы вельмі любяць гуляць не толькі са звычайнымі цацкамі, але яшчэ знаходзяць мноства іншых забаў летам на прагулцы. У гэты раз іх увага спынілася на маленькіх каменьчыках: выхаванцы выкладвалі з іх узоры, будавалі дарожкі, а старэйшыя дзеці складалі словы. Гульні так захапілі выхаванцаў, што не заўважылі як праляцеў час прагулкі.
У рамках пераемнасці са школай кіраўніцтвам дашкольнай установы на занятак была запрошана настаўнік пачатковых класаў Марчык Таццяна Пятроўна. Занятак па адукацыйнай галіне «Падрыхтоўка да навучання грамаце» падрыхтавала Арцямук А.М. Яна ахапіла ўсе накірункі вобласці праз розныя метадычныя прыемы. Выхаванцы з задавальненнем дапамагалі прачнуцца казачнаму герою, выконвалі заданні, гучна адказвалі на пытанні, вырашалі своечасова узнікаючыя праблемныя сітуацыі, а таксама паказалі свае веды .
