Немагчыма ўявіць сабе развіццё дзіцяці без гульні. Гульня — асноўны від дзейнасці дзяцей дашкольнага ўзросту. Сюжэтна-ролевыя гульні дазваляюць дзіцяці ва ўяўнай сітуацыі здзейсніць любыя ролевыя дзеянні. У гульні дзіця такое, якім яму хочацца быць, у ёй дзіця там, дзе яму хочацца быць, яно ўдзельнік цікавых падзей. Ва ўстанове адукацыі для выхаванцаў створаны ўмовы для таго, каб дзеці мелі магчымасць трапіць у свет дарослых праз гульню.
Выхаванцы старшай рознаўзроставай групы разам з музычным кіраўніком Аляксеенка В.В. сустракалі Восень. Рыхтавалі для яе пачастункі, расказвалі вершы, спявалі песні, танцавалі, гулялі ў гульні. Шмат станоўчых эмоцый і добрага настрою атрымалі выхаванцы, а яшчэ і падарункі ад Восені.
Сёння дзень
прыгожы самы.
Сёння —
Свята нашых мам.
Слава мамам!
Слава мамам!
Слава маміным рукам!
У час прагулкі выхаванцы малодшай рознаўзроставай групы весела і забаўна праводзяць час.
Выхаванцы разам з выхавальнікамі садзілі «агарод на акне», які садзейнічае развіццю пазнавальных здольнасцей, назіральнасці, дапамагае больш даведацца аб раслінах. Тым самым развіваюцца эстэтычныя пачуцці, прывіваецца жаданне працаваць і ўменне бачыць вынік працы.
Ой, ладачкі-ладкі –
Пляскаем у ладкі!
Ой, ладачкі-ладкі –
Святкуем Калядкі!
Ладзяць ёлкі карагод,
Потым разбягаюцца —
З дзецьмі сустракаюцца.
З белым снегам на галінках
І да нас прыйшла ялінка,
Мо сама, а мо прынёс
Добры, шчодры Дзед Мароз.
У яго святочным клунку
Многа розных падарункаў.
Гэта — радасці крыніца,
Будзем разам весяліцца.
22 лістапада для выхаванцаў была арганізавана тэатралізаваная забава «Прыгоды агеньчыка». Дзеці разам з казачнымі героямі пашыралі ўяўленні па пажарнай бяспецы, пазнаёміліся з героем Агеньчыка, прымалі ўдзел у конкурсах. Весела, забаўна і пазнавальна правялі час.
Ва ўстанове адукацыі 14 кастрычніка было шматлюдна, адбыўся бацькоўскі сход з удзелам дзяцей. Выхаванцы віншавалі сваіх матуль са святам Днем маці. Перад бацькамі выступіла загадчык Стасевіч Зоя Мікалаеўна, якая пазнаёміла прысутных з накірункамі працы ўстановы адукацыі на 2019/2020 навучальны год.
