З 4 па 27 лістапада на Пружаншчыне пройдзе кампанія МНС «Не прапальвай сваё жыццё!»

«Выпіў-закурыў-заснуў» — формула пажару, якая штогод забірае жыцці курцоў. Неасцярожнае абыходжанне з агнём пры курэнні — адна з асноўных прычын пажараў у Рэспубліцы Беларусь. Статыстычныя даныя агністых здарэнняў, якія адбыліся па гэтай прычыне, не суцяшальныя: за 10 месяцаў 2024 года ў раёне адбылося 30 пажараў, а гібель склала 2 чалавек.

З мэтай папярэджання пажараў і гібелі людзей ад іх з прычыны неасцярожнага абыходжання з агнём пры курэнні ў перыяд з 4 па 27 лістапада пройдзе рэспубліканская інфармацыйна-прапагандысцкая кампанія «Не прапальвай сваё жыццё!».

Работнікі МНС арганізуюць інтэрактыўныя заняткі, майстар-класы па выкарыстанні першасных сродкаў пажаратушэння, аказанні першай дапамогі, нагадаюць аб наступствах згубнай звычкі, прадэманструюць дзеянне аўтаномнага пажарнага апавяшчальніка, відэаролікі «Ахвяры згубнай звычкі».

У перыяд правядзення кампаніі пройдзе інтэнсіўная пажарна-прафілактычная работа ў жылым сектары. Работнікі МНС наведаюць домаўладання і кватэры грамадзян, нагадаўшы аб неабходнасці захавання правілаў пажарнай бяспекі.

Далучайцеся да мерапрыемстваў МНС, каб перамагчы ў барацьбе са згубнай звычкай, «не прапальваць сваё жыццё» і зрабіць яго бяспечным!

16 жніўня на Пружаншчыне стартуе інфармацыйна-прапагандысцкая кампанія «З клопатам аб бяспецы малой Радзімы»

Мэта кампаніі — папярэджанне пажараў з-за неасцярожнага абыходжання з агнём і гібелі на іх людзей сталага веку.

Пенсіянеры — адна з найважнейшых катэгорый насельніцтва, якая знаходзіцца пад пільнай увагай МНС. Для прыцягнення іх да пытанняў бяспекі ратавальнікі выкарыстоўваюць розныя формы работы, імкнучыся дагрукацца да кожнага пажылога чалавека.

Акцыя пройдзе ў два этапы: першы — з 16 верасня па 4 кастрычніка. У рамках акцыі запланаваны сустрэчы з жыхарамі сельскай мясцовасці, дзе ратавальнікі правядуць тэматычныя «Кірмашы бяспекі» і рэалізуюць праект «Аўталаўка бяспекі».

Калі вам здаецца, што традыцыйная пошта — перажытак мінулага, то гэта вялікая памылка. Работнікі РАНС у рамках акцыі арганізуюць рассылку бяспечнай карэспандэнцыі, унутры якой пажылыя людзі змогуць знайсці матэрыялы, здольныя зрабіць іх жыццё больш бяспечным. Найцікавы конкурс «Мудрасць. Вопыт. Бяспека» зноў збярэ самых актыўных прадэманстраваць свой спрыт і знаходлівасць.

На ўсіх запланаваных мерапрыемствах прапагандысты яшчэ раз нагадаюць аб правілах бяспекі, зробяць акцэнт на прычынах узнікнення надзвычайных сітуацый, а таксама на тым, як іх не дапусціць.