Тэма:«Далучаем дзяцей да працы.»
Асновы працоўнага выхавання закладваюцца ў сям’і. Сям’я — дружны працоўны калектыў. Любоў да працы неабходна пачынаць выхоўваць вельмі рана. Дзецям ўласціва перайманне. Менавіта перайманне падахвочвае дзяцей да актыўнай дзейнасці. Дзіця назірае за тым, што робіць дарослы і ў яго ўзнікае жаданне рабіць тое ж самае. Асноўная задача бацькоў не пагасіць, а развіць і паглыбіць яго, калі бацькі хочуць вырасціць працавітых дзяцей. У раннім узросце дзіця вучыцца самаабслугоўванню, затым ад самаабслугоўвання адбываецца пераход да працы для іншых. Дзеці растуць і паступова пашыраецца кола абавязкаў, якія ўскладняюцца. Бацькам неабходна дапамагчы дзіцяці адчуць карысць сваёй працы, адчуць радасць ад таго, што яго дзейнасць карысная навакольным. Праца для дзіцяці не менш прывабная, чым гульня. Можна выкарыстоўваць працу-гульню як сродак развіцця актыўнасці дзяцей. Вельмі важна даваць даручэнні, якія па сілах дзіцяці. Уменне правільна ацаніць магчымасці дзяцей не менш важна, чым уменне прыцягнуць да працы. Выкананая справа павінна дастаўляць задавальненне, а не ствараць комплекс непаўнавартасці. Калі дзіцяці далі даручэнне, а яно не паспела яго выканаць? Як у гэтым выпадку варта паступіць? Можна: мірна прапанаваць сваю дапамогу: Давай разам, хочаш? А лепш за ўсё набрацца цярпення і даць дзіцяці давесці пачатае да канца. Прывучаць дзяцей да выканання хатніх спраў неабходна не толькі таму, што бацькі павінны рыхтаваць дзяцей да будучага самастойнага жыцця. Прыцягваючы дзяцей да выканання бытавых абавязкаў, выхоўваецца звычка працаваць, у той жа час — звычка клапаціцца пра блізкіх. Для любой мамы будзе самы лепшы падарунак, калі прыйдзеш з працы, а дзеці падрыхтавалі абед і накрыўшы на стол чакаюць, калі мама з працы прыйдзе. Прывучаць дзяцей трэба рабіць любую працу. Хлопчыкі як і дзяўчынкі вучацца рабіць усё неабходнае па хаце. Пакуль дзеці маленькія, хлопчыкі таксама ахвотна, як і дзяўчынкі гатовыя дапамагчы на кухні: мыць посуд, гатаваць. Звычка працаваць замацоўваецца валявымі намаганнямі. Неабходна прывучаць дзяцей рабіць не толькі тое, што ў дадзены момант хочацца, а тое, што трэба. Неабходна праяўляць настойлівасць да таго часу, пакуль для дзіцяці не стане звычкай спачатку рабіць тое, што трэба, а потым што хачу.
Парады бацькам:
- Не забывайце аб гульнявых момантах ў працоўным выхаванні дзяцей.
- Будзьце паслядоўныя ў сваіх патрабаваннях.
- Улічвайце індывідуальныя і ўзроставыя асаблівасці сваіх дзяцей
- Перш чым даручыць што-небудзь дзіцяці, пакажыце ўзор правільнага выканання даручэння, навучыце гэтаму свайго сына ці дачку, некалькі разоў выканайце даручэнне сумеснымі намаганнямі.
- Вучыце дзіця паважаць працу іншых людзей, беражліва ставіцца да вынікаў іх працоўнай дзейнасці.
- Тактоўна ацэньвайце вынікі працы дзіцяці.
Працоўная дзейнасць у першай малодшай групе (2 – 3 гады)
Самаабслугоўванне
Фарміраваць уменні:
- З дапамогай дарослага і самастойна: апранацца і распранацца ў пэўнай паслядоўнасці, апрануць ці зняць майку, сукенку; расшпільваць і зашпільваць гузікі на адзенні (спераду), адзенне выварочваць на добры бок, складваць яго на месца; расшнуроўваць і расшпільваць абутак, з дапамогай дарослага зашнуроўваць і зашпільваць яго; заўважаць непарадак у адзенні, выпраўляць яго самастойна ці з дапамогай дарослага; правільна называць працэс апранання, прадметы і дзеянні, звязаныя з ім.
Гаспадарча-бытавая праца
Фарміраваць уяўленні пра працэс прыбірання цацак.
Фарміраваць уменні:
- Ставіць ці класці на месца цацкі пасля гульняў;
- Выконваць нескладаныя працоўныя даручэнні (паставіць крэсла да стала і інш.)
Праца ў прыродзе
Фарміраваць уяўленні пра працу дарослага шляхам назірання (догляд раслін, жывел).
Фарміраваць уменні выконваць элементарныя працоўныя даручэнні з дапамогай дарослага (пакарміць птушак, рыбак, паліць расліны).
Працоўная дзейнасць у другой малодшай групе (3 – 4 гады)
Самаабслугоўванне
Фарміраваць уяўленні пра неабходнасць самаабслугоўвання (элементарныя, звязаныя са знешняй матывацыяй: “для здароўя”, “для прыгажосці”).
Фарміраваць уменні:
- самастойна апранацца і распранацца ў вызначанай паслядоўнасці, расшпільваць і зашпільваць гузікі на адзенні (спераду), акуратна вешаць на крэсла; расшнуроўваць і расшпільваць абутак, з дапамогай дарослага зашнуроўваць і зашпільваць яго; з дапамогай дарослага; здымаць, апранаць і ставіць абутак на месца;
- кантраляваць выкананыя дзеянні.
Гаспадарча-бытавая праца
Фарміраваць уяўленні пра неабходнасць падтрымліваць парадак у пакоі, на ўчастку.
Фарміраваць уменні:
- Ставіць і класці на месца прадметы быту, цацкі пасля гульняў;
- Праціраць дзіцячую і цацачную мэблю;
- Мыць цацкі сумесна з дарослым;
- Выконваць працоўныя дзеянні ўадпаведнасці з мэтай і планам, пастаўленым дарослым; акуратна, спакойна, уважліва;
Праца ў прыродзе
Фарміраваць уяўленні пра неабходнасць выканання тых ці іншых працоўных дзеянняў у адносінах да раслін, жывел (элементарныя: кветка хоча піць, рыбкі прагаладаліся, хамячку ў бруднай клетцы дрэнна і г.д.).
Фарміраваць уменні:
- Вызначаць неабходнасць палівання раслін па стане глебы;
- Выціраць пыл з буйнага скурыстага лісця пакаевых раслін;
- Даваць корм і ваду жывелам (кошка, хамяк).
Ручная праца
Фарміраваць уяўленні пра
- Спосабы выканання вырабаў, цацак, уласцівасці матэрыялаў з якіх яны зроблены;
- Бяспечнае ўжыванне прылад працы.
Фарміраваць уменні: вырабляць цацкі, вырабы з паперы, іншых матэрыялаў спосабам аплікацыі, канструявання і г.д. пад кіраўніцтвам дарослага.