З легендаў i казак былых пакаленняў,
З калосся цяжкога жытоў i пшанiц,
З сузор’яў i сонечных цёплых праменняў,
З грымучага ззяння бурлiвых крынiц.
З птушынага шчэбету, шуму дубровы,
I з гора, i з радасцi, i з усяго
Таго, што лягло назаўсёды ў аснову
Святынi народа, бяссмерця яго, –
Ты выткана, дзiўная родная мова.
Выхаванцы ўстановы слухалі песні на роднай мове, выканалі замалёўкі, спявалі на роднай мове у нацыянальных касцюмах, гутарылі на роднай мове.
20 лютага прайшоў Адзіны дзень ведаў правілаў дарожнага руху пад дэвізам «Бяспечны пераход!» з мэтай папярэджання дзіцячага дарожна-транспартнага траўматызму. Выхаванцы абгулялі сітуацыю «Пешаходны пераход» падчас прагулкі на гульнявой пляцоўцы, разглядалі і гутарылі па карцінках, выконвалі замалёўкі ў дапаможніках і інш.
Выхаванцы не прапускаюць магчымасці ў апошнія дні зімы правесці весела час падчас прагулкі: гуляюць са снегам, робяць дарожкі на снезе, спрабуюць ляпіць снежкі і інш.
Выхаванцы на прагулцы назіралі за снежнымі дрэвамі і кустамі, спрабавалі маляваць на снезе, рабілі на снезе сляды, а таксама радаваліся добраму снежнаму надвор’ю.
Па дрэвах серабрыстая
Перакінулася фата —
Белая, пухнатая,
Карункавая прыгажосць!
І сябе бярозка сумная
Не магла пазнаць сама —
Так упрыгожыла майстэрская
Галінкі дрэўца зіма…
Выхаванцы з вялікім задавальненнем праклалі лыжню і сталі на яе. Лыжы памагаюць загартоўваць дзіцячы арганізм, замацоўваць фізічныя якасці і цікавасць да спорту.
Ва ўстанове прайшоў бацькоўскі сход. Выхавальнік Арцёмук А.М. асвятліла пытанні бяспечных паводзін дзяцей і дарослых на лёдзе і не толькі, нагадала аб адказнасці ў адносінах да дзяцей і інш. На сходзе прысутнічала загадчык установы Ермак В.А. , якая адказала на хвалюючыя пытанні законных прадстаўнікоў. 
У мэтах рэалізацыі Дзяржаўнай праграмы «Рынак працы і садзейнічанне занятасці» на 2021-2025 гады ў частцы прасоўвання канцэпцыі «нулявога траўматызму» (Vision Zero) у перыяд з 17 па 22 лютага 2025 года праводзіцца «Тыдзень нулявога траўматызму».
Мэта правядзення: забеспячэнне бяспекі і здароўя работнікаў на працоўных месцах, прадухіленне выпадкаў вытворчага траўматызму (недапушчэнне ніводнага выпадку траўміравання ў арганізацыі у гэты перыяд) шляхам аператыўнага выяўлення парушэнняў норм аховы працы і прымянення мер па іх устараненню.
Занятак па правілам пажарнай бяспекі правяла Хававка Іна Аляксандраўна, інспектар Пружанскага раённага аддзела па надзвычайных сітуацыях. Яна абыграла з выхаванцамі сітуацыі, нагадала аб правілах паводін, замацавала атрыманыя веды на практыцы і многае іншае.
06.02.2025 прайшла прафілактычная гутарка з супрацоўнікамі аб правілах пажарнай бяспекі, з удзелам
Хававка І.А. старшага інспектара Пружанскага раённага аддзела па надзвычайных сітуацыях.
Выхавальнік дашкольнай адукацыі Арцёмук А.М. працягвае знаёміць выхаванцаў з рознымі прафесіямі праз наведванне бліжэйшых прадпрыемстваў аг.Хорава.Выхаванцы наведалі прахадную крухмальнага завода, вагавую і поле каля завода. Выхаванцы ўважліва слухалі расказ выхавацеля пра такія прафесіі, як аграном, вадзіцель, палявод і інш., якія непасрэдна звязаны з прадпрыемствам.
