Восень – самая цудоўная пара, самая прыгожая. Колькі розных фарбаў мы бачым адразу на вуліцы: і жоўты дыван апаўшага лісця, і чырвоныя  ягады, якія  паспелі на дрэвах і кустах, сіняе-сіняе неба.

Традыцыйна ва ўстанове адбылася выстава вырабаў з прыроднага матэрыялу «Прыгажуня восень». У якой прынялі ўдзел дзеці і бацькі. Колькі  незвычайных цікавых вырабаў можна было ўбачыць: разнастайныя карціны з лісця, кветак, насення, вырабы з шышак (кошык), жалудоў, прыгожая карціна з саленага цеста.  Усе ўдзельнікі пастараліся, творча падыйшлі да стварэння кампазіцый. Як добра, калі дарослыя часам становяцца дзецьмі і бачаць ў чымсці звычайным — незвычайнае.

25 кастрычніка ва ўстанову завітала Восень. Выхаванцы з задавальненнем рыхтавалі для яе пачастункі, расказвалі вершы, спявалі песні, танцавалі. Таксама дзеці сустрэліся з казачнымі персанажамі: ліса, мядзведзь, вожык. Шмат станоўчых эмоцый і добрага настрою атрымалі выхаванцы, а яшчэ смачныя пачастункі ад Восені.

21.09.2017г. ва ўстанове прайшоў бацькоўскі сход, на якім былі абмеркаваны наступныя пытанні:     — аналіз летняй аздараўленчай кампаніі.                                                                                                                 — асноўныя накірункі работы на новы навучальны год;                                                                                     — аб арганізацыі работы па выкананню Дэкрэта Прэзідэнта Рэспублікі Беларусь 24 лістапада 2006г. №18 «О дополнительных мерах по государственной защите детей в неблагополучных семьях»

— аб значэнні вакцынацыі;                                                                                                                                             — аб выкарыстанні спонсарскіх сродкаў для падрыхтоўкі ўстановы да новага навучальнага года;       — выбары Папячыцельскага савета.

Вясёлую музычную забаву правяла музычны кіраўнік установы Аляксеенка В.В. Выхаванцы сустрэліся з дамавіком Кузяй, які загадваў  дзецям загадкі. Таксама сустрэліся з Каркушай, якую выхаванцы вучылі як патрэбна танцаваць, рабіць зарадку. Шмат  добрага настрою і станоўчых эмоцый атрымалі дзеці.

Першыя дні ў дзіцячым садку – сур’ёзнае выпрабаванне для кожнага дзіцяці. Большасць малых упершыню пераступаюць парог садка ва ўзросце каля 3-х год. Да гэтага ўзросту дзіця ўжо досыць самастойнае, але, яшчэ не сфармавалася як індывідуальнасць, і гатова да новых ведаў, сяброў. Каб адаптацыя дзяцей  да дзіцячага сада прайшла, як мага, лёгка  ва ўстанове з 21 жніўня па 31 жніўня працавала адаптацыйная пляцоўка, з дапамогай якой дзеці разам з бацькамі знаёміліся з  выхавальнікам, з іншымі дзецьмі,  гулялі ў разнастайныя гульні.

Паступленне дзіцяці ў дзіцячы сад часта выклікае ў яго стрэсавы стан. Гэта абумоўлена тым, што ў корані змяняецца не толькі рэжым дня, звыклы з нараджэння, але і цалкам змяняецца навакольнае асяроддзе дзіцяці. Дзіця ўпершыню растаецца з мамай на цэлы дзень, ён трапляе ў калектыў незнаёмых аднагодкаў і незвычайную абстаноўку. Вялікая колькасць новых асоб, нязвыклая атмасфера дзіцячага калектыву з’яўляюцца прычынамі ўзнікнення стрэсу.

Паступленне дзіцяці ў дзіцячы сад можа быць для яго не толькі хваравітым, але і радасным. Калі педагогі і бацькі аб’ядноўваюць свае намаганні для мэтанакіраванай планамернай падрыхтоўкі маляняці да дзіцячага садка, ён пачынае чакаць гэтай падзеі і хутка прывыкае да новых для яго ўмоў.

З 21 жніўня 2017г. па 31 жніўня 2017г. на базе нашай установы будзе арганізавана работа адаптацыйнай пляцоўкі для дзяцей ва ўзросце ад 2 да 3 гадоў, якія не наведваюць дашкольныя ўстановы і тых, хто паступае ў дзіцячы сад у бягучым навучальным годзе.

Што такое адаптацыйная пляцоўка і якія яе мэты?

Хочацца сабраць на гульнявой пляцоўцы ўсіх удзельнікаў гэтага працэсу — дзіця, педагога і бацькоў — і пры цесным ролевым супрацоўніцтве не толькі пазнаёміцца ​​і пазнаць адзін аднаго бліжэй, але і выпрацаваць адэкватны для ўсіх стыль паводзін, зняць трывогу, атрымаць дакладную і поўную інфармацыю па цікавячых пытаннях .

Асноўнай мэтай адаптацыйнай групы з’яўляецца знаёмства дзяцей і іх бацькоў з жыццядзейнасцю дашкольнай установы, пашырэнне вопыту зносін і ліквідацыя ў малых перажыванняў, баязлівасці і няўпэўненасці ў сабе.

Чым займаецца дзіця падчас наведвання адаптацыйнай пляцоўкі?

Пачынаецца адаптацыйная гульня з прыходу дзяцей у дзіцячы сад, дзе іх гасцінна сустракае выхавальнік і ўключае ў разнастайную дзейнасць, не даючы сумаваць і адчуваць сябе самотна. Дзеці ў суправаджэнні і пры актыўным удзеле законных прадстаўнікоў робяць зарадку, чытаюць кнігі, гуляюць у рухомыя і настольныя гульні, займаюцца мастацкай дзейнасцю, канструіруюць з пяску. Акрамя таго, адбываецца абыграванне асноўных рэжымных момантаў.

Выхавальніку дапамагаюць музычны кіраўнік і кіраўнік фізічнага выхавання. Агульнымі намаганнямі яны змогуць наладзіць добразычлівыя адносіны з дзецьмі, зацікавіць іх.

Лета — гэта мора кветак,

аксамітнае травы.

Лета — казка, лета — гэта

свята чыстай сінявы.

лета — час дажджоў жадных,

бліскавіц і перуноў,

і вясёлак нечаканых,

і дзівосных туманоў.

Выхаванцы з задавальненнем падарожнічаюць па сцежках роднай прыроды. Радуюцца зялёнаму гаю, сасноваму бору,  слухаюць спевы птушак. Чэрвень  — месяц кветак. Таму ў час экскурсій дзеці маюць магчымасць пазнаёміцца з разнастайнымі кветкамі поля, луга, леса. Тым самым вучацца любіць прыроду Беларусі.

Пусть всегда, как в доброй сказке,
Радостью сияют глазки,
Пусть улыбок будет много,
Светлой выдастся дорога.

В летний праздник День детей
Взрослый станет пусть мудрей,
Будет принцип соблюдать:
«Малышей не обижать!».

1 чэрвеня ва ўстанове да Дня абароны дзяцей выхавальнікі правялі забаву для выхаванцаў «Вось і лета-лецейка». Да дзяцей у госці завітаў клоўн Клёпа, які паказваў дзецям розныя фокусы, гуляў у гульні. Выхаванцы з задавальненнем танцавалі з Клёпай пад вясёлую музыку. Таксама  малявалі крэйдай на асфальце «Мір дзяцінства», дзе праяўлялі свае творчыя здольнасці. Дзеці атрымалі шмат станоўчых эмоцый, добрага настрою.