27 снежня ў нашым дзіцячым садзе прайшоў навагодні ранішнік, на якім выхаванцы апынуліся ў свеце цудаў, незвычайных пераўтварэнняў і сюрпрызаў. Дзеці з задавальненнем вадзілі карагоды вакол елкі, расказвалі вершы, спявалі песні, гулялі з Дзедам Марозам. Але самай доўгачаканай радасцю было атрыманне падарункаў ад Дзядулі Мароза. Мы спадзяемся, што святочны настрой у выхаванцаў і добрае ўражанне ад казачных прадстаўленняў у бацькоў застануцца надоўга.
Паважаныя бацькі!
Запрашаем Вас на навагодні ранішнік «Казачнае падарожжа»,
які адбудзецца 27 снежня 2016 года
пачатак 15.00.
Традыцыйна ў нашай дашкольнай установе перад Новым годам праходзіць выстава сумеснай творчасці бацькоў і дзяцей, якая ў гэтым годзе называецца «Чараўніца зіма». Тут кожная сям’я можа праявіць фантазію і творчасць.
У рамках выканання плана пераемнасці паміж ДУА «Хараўскі дзіцячы сад №34» і ДУА «Хараўская сярэдняя школа» выхаванцы дзіцячага сада наведалі школьную бібліятэку. З мэтай развіцця маўлення, камунікатыўных навыкаў бібліятэкар Зорка Таццяна Юр’еўна правяла для выхаванцаў цікавую экскурсію па бібліятэцы, пагутарыла з імі пра надыходзечае свята — Новы год, пра зімовыя з’явы. Выхаванцы адгадвалі загадкі, якія загадвала бібліятэкар. На памяць дзеці атрымалі ў падарунак маленькія кніжкі. Пакідаць бібліятэку ім не хацелася, таму яны паабяцалі, што прыйдуць сюды ячшэ.
Адным з метадаў работы па экалагічнаму выхаванню з’яўляецца — назіранне за зімуючымі птушкамі, у час якога у дзяцей фарміруецца ўменне даглядаць птушак, дапамагаць ім у халодны перыяд. Падчас прагулак выхаванцы разам з выхавальнікамі кладуць корм у кармушкі.
Сенегіры, сінічкі,
Сыплю вам пшанічкі,
Крупак, крошак хлеба!
Вам жа мала трэба!
Ешце, любыя сябры!
Не ляціце ў лес, бары,
А жывіце ў двары
Да вясенняе пары.
Вось для вас кармушкі,
Птушкі-шчабятушкі,
Нашы весялушкі!
Кожны чалавек павінен адчуваць любоў да прыроды, павагу да ўсяго жывога. Калі мы бліжэй да прыроды, тым эфектыўней становіцца экалагічнае выхаванне. Таму ў нашай дашкольнай установе прагулкі-паходы шырока выкарыстоўваюцца для азнаямлення дзяцей з прыродай. Яны даюць магчымасць фарміраваць уяўленні дзяцей пра змены пор года, змены ў жыцці раслін і жывёл. Выхаванцы з цікавасцю разглядаюць расліны лесу, замацоўваюць правілы паводзін у прыродзе. Прагулкі прыносяць дзецям радасць і задавальненне ад зносін з прыродай, дапамагаюць ўбачыць яе прыгажосць.
Пад снегам — дарога,
на снезе — лыжня.
У лесе зімовым
Стаіць цішыня.
Кусточкі і дрэвы
заснулі даўно,
І песень птушыных
зусім не чутно.
Раз, два, тры, чатыры,пяць!
Будзем дружна працаваць.
Венічкі, лапаткі мы ўзялі,
і хутка працу пачалі.
У дашкольным узросце дзеці найбольш эмацыянальныя, адчувальныя, прыхільныя. Яны ўсё прапускаюць праз сэрца. Дзеці заўважаюць такія дробязі, якія адбываюцца ў прыродзе, на якія дарослыя проста не звяртаюць увагі. Таму ў дашкалят патрэбна фарміраваць уяўленні і паняцці беражлівых, клапатлівых адносін да навакольнага свету. Вялікую ролю ў гэтым адыгрывае прыклад дарослых. Як яны ставяцца да навакольнага асяроддзя — так і дзіця будзе паступаць. Экалагічнае выхаванне дзяцей дашкольнага ўзросту — гэта і маральнае выхаванне. Выхоўваецца гуманнае стаўленне і разуменне важнасці ўсяго жывога, імкненне шанаваць, берагчы, абараняць прыроду. У нашым дзіцячым садзе, выкарыстоўваючы разнастайныя метады і прыёмы, выхоўваем у дзяцей любоў да прыроды, жаданне яе берагчы. Выхаванцы з цікавасцю гуляюць у дыдактычныя экалагічныя гульні, працуюць у вугалку прыроды, адзначаюць стан надвор’я ў календары прыроды і інш.
У ходзе акцыі «За бяспеку разам» выхавальнікі размясцілі інфармацыю на стэндах для бацькоў па прафілактыцы ўзнікнення пажараў.
