З такой назвай у нашым дзіцячым садзе адбыўся круглы стол з бацькамі выхаванцаў малодшай рознаўзроставай групы. Правяла яго выхавальнік Новік Таццяна Уладзіміраўна. Яна абмеркавала з прысутнымі план сумесных мерапрыемстваў на летні перыяд, засяродзіла ўвагу  на тым, што менавіта ў гэты час існуе шмат магчымасцей для замацавання экалагічных ведаў і навыкаў дзяцей,  і ў гэты час неабходна сачыць за бяспечным знаходжаннем дзяцей дома і на вуліцы. Да ўвагі прысутных была прадстаўлена выстава дыдактычных і развіваючых гульняў, літаратуры ў дапамогу.

Калектыўны прагляд  педагагічнай дзейнасці на тэму «Родная прырода» з дзецьмі  сярэдне-старэйшай рознаўзроставай групы правяла выхавальнік вышэйшай кваліфікацыйнай катэгорыі Арцямук Алена Мікалаеўна. У ходзе занятка  выхаванцы замацавалі звесткі аб лесе і яго жыхарах, удакладнілі ўяўленні аб  будове дрэў, аб залежнасці знешняга выгляду ад умоў  росту, развівалі ўменні супастаўляць і пазнаваць  дрэвы па кары, вызначаць іх узрост, выхоўвалі беражлівыя адносіны да прыроды, пачуццё дабрыні, суперажывання.

Калектыўны прагляд педагагічнай дзейнасці «Падарожжа ў краіну ведаў» з выхаванцамі старэйшай групы  правяла выхавальнік вышэйшай кваліфікацыйнай катэгорыі Астанкава Алёна Уладзіміраўна. З вялікай цікавасцю выхаванцы малявалі па клетачкам   карабель і потым  на ім, пад гук мора вандравалі па прыпынках «Востраў лічбаў», » Матэматычныя знакі», «Поры года», а далей трапілі на востраў граматыкі і з лёгкасцю справіліся з гукавым аналізам слова, прыдумвалі сказы. А ў канцы знайшлі заслужаны скарб з марскіх ракушак і залатых рыбак, якія  дапамогуць  нашым дзецям у школе.

19.05.2015 года ў ДУА «Хараўскі дзіцячы сад №34» адбыўся дзень адчыненых дзвярэй. Да нас у госці прыйшлі бацькі, настаўнікі. Яны ўбачылі чаго ў сваёй працы дасягнулі выхавальнікі  на канец навучальнага года.