Адной з асноўных прычын  ўзнікнення пажару з’яўляецца няўважлівасць чалавека: пакінутыя ўключаныя прасы або іншыя бытавыя электрапрыборы, кінутыя недакуркі, парушэнне тэхнікі пажарнай бяспекі, выкарыстанне агню любога тыпу (свечкі і інш.) і інш.

Да пажару могуць прывесці дэфекты электрычных установак; нядбайнае і няўмелае выкарыстанне электрапрыбораў; выкарыстанне самаробных электраабагравальнікаў, самазагаранне тэлевізара, ўключэнне многіх прыбораў у адну разетку, няўмела (няправільна) выкананая электраправодка (перагрузка сеткі), выкарыстанне самаробных засцерагальнікаў («жучкоў»).

Неабходна выконваць правілы эксплуатацыі газавай пліты. У выпадку ўцечкі газу трэба тэрмінова праветрываць памяшканне. У гэтым выпадку нельга паліць, запальваць запалкі, карыстацца выключальнікам электрапрыбораў.

Пажар ўзнікае нечакана і дзейнічае імгненна. І калі ўжо вас не абыйшла гэтая бяда, памятайце: галоўнае — не панікаваць!

Калі дзейнічаць спакойна, цяжкіх наступстваў пазбегнуць лягчэй. Перш за ўсё, трэба паведаміць аб пажары ў пажарную ахову па тэлефоне «101». Выклікаючы пажарных, трэба дакладна назваць вуліцу, нумар дома, паверх, месца, дзе ўзнік пажар. Неабходна дакладна растлумачыць, што гарыць.

Калі ў хаце няма тэлефона, і вы не можаце выйсці з дома ці кватэры, адкрыйце акно і клічце на дапамогу.

Калі ўзгаранне невялікае, то выразнымі і ўпэўненымі дзеяннямі яго можна ліквідаваць.

Памятаеце: у хаце заўсёды знойдуцца сродкі, з дапамогай якіх можна пагасіць пажар: коўдры, грубая тканіна, а таксама вёдры і іншыя ёмкасці для вады.

Але трэба ведаць, што ў час пажару нельга адчыняць вокны і дзверы, таму што прыток свежага паветра падтрымлівае гарэнне. Нельга гасіць вадой электрапрыборы, уключаныя ў сетку. Электрапрыбор, які загарэўся, перш за ўсё неабходна адключыць ад сеткі і накрыць шчыльнай коўдрай.

Падчас пажару дым збіраецца ў верхняй частцы памяшкання, таму ў выпадку моцнага задымлення неабходна нахіліцца або легчы на падлогу, зачыніўшы рот і нос мокрым рушніком, і рухацца прысеўшы або паўзком да выхаду ўздоўж сцяны, каб не згубіць напрамак.

Калі лесвіцы задымленыя, трэба хутка адкрыць вокны на лесвічнай пляцоўцы або выбіць шкло, каб выпусціць дым і даць прыток свежага паветра, а дзверы памяшканняў, адкуль пранікае на лесвіцу дым, шчыльна зачыніць. Не імкніцеся выйсці праз задымлены калідор або лесвіцу, таму што дым вельмі таксічны, а, акрамя таго, гарачыя газы могуць абпаліць лёгкія. Калі лесвіцы апынуцца адрэзанымі агнём або моцна дымнымі, варта падысці да акна ці выйсці на балкон і прыцягнуць увагу людзей, папярэдне па магчымасці шчыльней зачыніўшы дзверы, выкарыстоўваючы для гэтага мокрую тканіну. Ратавацца ў гэтым выпадку варта праз балкон, знешнія стацыянарныя лесвіцы або з дапамогай высоўных або прыстаўных драбінак. Спускацца па вадасцёкавых трубах, стаяках і з дапамогай звязаных прасцін вельмі небяспечна, гэтыя прыёмы магчымыя толькі ў выключных выпадках.

Вучыце сваіх дзяцей ужываць даступныя правілы пажарнай бяспекі (забарона гульні з агнём). Фарміруйце ўменні арыентавацца ў складаных жыццёвых сітуацыях: звяртацца пры неабходнасці за дапамогай да знаёмых, патэлефанаваць у пажарную ахову.

І ніколі не пакідайце вашых дзяцей адных дома!