Выхаванцы ўстановы адукацыі наведалі ДУА “Хараўская сярэдняя школа”. Дзеці пазнаёміліся са школай, сустрэлі сваіх сяброў-школьнікаў. Выхаванцы атрымалі шмат цікавых уражанняў, а галоўнае ў дзяцей яшчэ больш узнікла жаданне пайсці вучыцца ў школу.
Выхаванне патрыятычных пачуццяў пачынаецца з маленства. Дзякуючы наведванню школьнага музея выхаванцы мелі магчымасць трапіць у быт нашых продкаў.
Для выхаванцаў старшай рознаўзроставай групы была арганізавана экскурсія ва ДУА «Хараўская сярэдняя школа», з мэтай фарміравання эмацыянальна-станоўчага ўспрыняцця працэсу навучання, інтарэсу да школы. Дзеці мелі магчымасць адчуць сябе вучнямі: пасядзець за партай, напісаць на дошцы свае першыя словы.
У госці да выхаванцаў завіталі вучні 4 класа разам са сваім класным кіраўніком Марчык Таццянай Пятроўнай. Школьнікі правялі для сваіх малодшых сяброў майстар-клас па вырабу віншавальных паштовак і кветак, а таксама расказалі пра свае школьныя будні. Выхаванцы старшай групы пазнаёміліся са сваёй будучай настаўніцай, пагутарылі аб вучобе ў школе.
У рамках выканання плана пераемнасці ў рабоце школы і дзіцячага сада 17 снежня выхавацелі дашкольнай адукацыі наведалі ўрок у 1 класе, які правяла Насытка Святлана Уладзіміраўна.
Для выхаванцаў старшай рознаўзроставай групы была арганізавана экскурсія ў ДУА «Хараўская сярэдняя школа». У госці да вучняў, з мэтай фарміравання эмацыянальна-станоўчага ўспрыняцця працэсу навучання, інтарэсу да школы.
16 лістапада ў рамках узаемадзеяння ДУА «Хараўскі дзіцячы сад №34» і ДУА «Хараўская сярэдняя школа» была праведзена акцыя «Памяць пакаленняў», у час якой выхаванцы і вучні ўстаноў адукацыі навялі парадак каля помніка воінам-аднасяльчанам.
Ва ўстанове адукацыі ДУА «Хараўская сярэдняя школа» адбылася нарада педагогаў ДУА «Хараўская сярэдняя школа» і ДУА «Хараўскі дзіцячы сад №34». Мэтай нарады была — сістэма планавання пераемнасці дашкольнай і пачатковай адукацыі.
Выхавальнік Арцямук А.М. наведала ўрок беларускай мовы ў першым класе ДУА «Хараўская сярэдняя школа». Вучні з радасцю сустрэлі свайго выхавальніка, актыўна ўдзельнічалі на ўроку, пазнаёміліся з літарай «Я». Дзеці разам з настаўніцай Драздовай В.А. паказалі, чаму яны ўжо навучыліся. Першакласнікі прапанавалі выхавальніку паглядзець выставу з прыроднага матэрыялу. На развітанне Алена Мікалаеўна падаравала дзецям размалёўкі з вершам, каб любілі сваю родную мову.
Выхаванцы старэйшай групы разам з выхавальнікам Таццянай Уладзіміраўнай Новік наведалі Хараўскую сярэднюю школу . Спачатку яны адправіліся на экскурсію па школе і нават пасядзелі за партамі першакласнікаў. Вучні першага класа паказалі выхаванцам свой клас, кніжкі.
Затым дзеці трапілі на конкурс кліпаў «Свет прафесій», напрыканцы якога вучні 4 класа, разам з настаўніцай Вольгай Антонаўнай Драздовай падарылі выхаванцам размалёўкі. Дзеці атрымалі шмат станоўчых эмоцый, добрага настрою, а яшчэ жаданне хутчэй падрасці і пайсці вучыцца ў школу.
