Дзеці разам з выхавальнікамі ўсклалі кветкі да помніка «Воінам-аднавяскоўцам».
Адгулі, адгрымелі гарматы.
Хмары чорныя адплылі.
Прынясіце кветкі салдатам,
Што палеглі на нашай зямлі.
Пакланіцеся нізка-нізка
Тым, хто зведаў агонь і дым,
Строгім помнікам, абеліскам,
Слаўным зорачкам баявым.
Ва ўстанове адукацыі выхаванцы разам з выхавальнікамі адзначылі Дзень Незалежнасці Рэспублікі Беларусь. Дзеці актыўна ўдзельнічалі ў забаве «Мая Радзіма — Беларусь», быў праведзены конкурс малюнкаў на асфальце «Я люблю Беларусь», выхаванцы разглядвалі ілюстрацыі і гутарылі па тэме «Мая Радзіма — Беларусь», «Мой родны кут, як ты мне мілы». Дзеці разам з выхавальнікамі ўсклалі кветкі да помніка «Воінам-аднавяскоўцам».
“Бяспечнае лета”
Лета — пар
а весялосці і бесклапотнасці. Бацькам жа застаецца быць празмерна ўважлівымі, паколькі ў месцах адпачынку могуць хавацца усякага роду небяспекі. Таму азнаямленне з правіламі бяспекі надзвычай важна для ўсіх мам і тат. Дарэчы, не перашкодзіць расказаць пра іх і дзецям.
Выхаванцы разам з выхавальнікамі падарожнічаюць па сцежках роднага краю. Дзеці пашыраюць свае ўяўленні пра свет прыроды, пра раслінныя сімвалы Беларусі, любуюцца прыгажосцю кветак, дрэў.
Лета — цудоўная пара года. Можна гуляць на свежым паветры, загартоўвацца, у поўнай меры выкарыстоўваючы невычэрпныя магчымасці прыродных фактараў: свежага паветра, сонечных прамянёў і вады. Выхаванцы ва ўстанове адукацыі з карысцю для здароўя праводзяць час, тым самым засвойваюць навыкі здаровага ладу жыцця.
Весела і забаўна праводзяць час выхаванцы ва ўстанове адукацыі. Дзеці з задавальненнем эксперыментуюць, гуляюць з вадой, пяском, ствараюць прыгожыя выяўленчыя работы.
Лета выдатная пара года, яго любяць дарослыя і дзеці. Улетку можна ўдосталь нагуляцца, пабегаць, загартавацца, падрасці, даведацца пра штосьці новае. Галоўная задача ўстановы дашкольнай адукацыі ў летні перыяд часу арганізаваць жыццё выхаванцаў так, каб кожны дзень прыносіў ім нешта новае, быў напоўнены цікавым зместам, каб ўспаміны аб леце, гульнях, прагулках, святах і забавах яшчэ доўга радавалі іх.
