У дзіцячым садзе кожны год

здзіўляецца народ.

У вугалку прыроды

зелянее агарод.

Кожны год у дзіцячым садзе ствараем маленькія агароды. У якіх выхаванцы клапоцяцца аб раслінах, тым самым пашыраюць свае ўяўленні пра тое, што неабходна для росту раслін.

Агарод у малодшай групе

Агарод у старэйшай групе

У дзіцячым садзе адбылося спартыўнае свята прысвечанае Дню абаронцаў Айчыны. Выхаванцы з задавальненнем удзельнічалі ў разнастайных конкурсах і эстафетах. Яны атрымалі шмат станоўчых эмоцый і добрага настрою. (гл. фотагалерэю)

Хоть ходим мы пока в детсад,

но хочет каждый из ребят

Со спортом с малых лет дружить,

Готовясь в армии служить!

Фальклор — галоўнае мастацкае багацце нашых продкаў, дзякуючы якому захоўваецца пераемнасць традыцый, ажыццяўляецца сувязь пакаленняў і бесперапыннасць духоўнага развіцця.

Святы і абрады, на якіх гучаць беларускія песні, выконваюцца карагоды, танцы і гульні, з’яўляюцца арганічнай часткай народнай культуры. Праз іх не толькі поўніцца і актывізуецца беларускі слоўнік дзіцяці, выхоўваецца любоў і павага да роднай мовы, але і спасцігаецца светапогляд, душа, мудрасць, гумар, таленавітасць, майстэрства свайго народа.

Выхаванцы дзіцячага сада з задавальненнем  удзельнічалі ў фальклорнай забаве «Ой, ладачкі-ладкі, надыйшлі Калядкі!».   Забава прайшла весела і цікава. Дзеці атрымалі шмат станоўчых эмоцый.

Новы год iдзе да нас –
Дружна сустракаем!

Шчасця, радасцi, здароўя 
Шчыра ўсім жадаем!

27 снежня ў нашым дзіцячым садзе прайшоў навагодні ранішнік, на якім выхаванцы апынуліся ў свеце цудаў, незвычайных пераўтварэнняў і сюрпрызаў. Дзеці з задавальненнем вадзілі карагоды вакол елкі, расказвалі вершы, спявалі песні, гулялі з Дзедам Марозам. Але самай доўгачаканай радасцю было атрыманне падарункаў ад Дзядулі Мароза. Мы спадзяемся, што святочны настрой у выхаванцаў і   добрае ўражанне ад казачных прадстаўленняў   у бацькоў застануцца надоўга.

Паважаныя бацькі! 

Запрашаем Вас  на навагодні ранішнік «Казачнае падарожжа»,

які адбудзецца 27 снежня 2016 года

 пачатак 15.00.

Традыцыйна ў нашай дашкольнай установе перад Новым годам  праходзіць выстава сумеснай творчасці бацькоў і дзяцей, якая ў гэтым годзе называецца «Чараўніца зіма». Тут кожная сям’я можа праявіць фантазію і творчасць.

У рамках выканання плана пераемнасці паміж ДУА «Хараўскі дзіцячы сад №34» і ДУА «Хараўская сярэдняя школа» выхаванцы дзіцячага сада наведалі школьную бібліятэку. З мэтай развіцця маўлення, камунікатыўных навыкаў бібліятэкар Зорка Таццяна Юр’еўна правяла для выхаванцаў цікавую экскурсію па бібліятэцы, пагутарыла з імі пра надыходзечае свята — Новы год, пра зімовыя з’явы.  Выхаванцы  адгадвалі загадкі, якія загадвала бібліятэкар. На памяць дзеці атрымалі ў падарунак маленькія кніжкі. Пакідаць бібліятэку ім не хацелася, таму яны паабяцалі, што прыйдуць сюды ячшэ.

Адным з метадаў  работы па экалагічнаму выхаванню з’яўляецца — назіранне за зімуючымі птушкамі, у час якога  у дзяцей фарміруецца ўменне даглядаць  птушак, дапамагаць ім у халодны перыяд.  Падчас прагулак выхаванцы разам з выхавальнікамі кладуць корм у кармушкі.

Сенегіры, сінічкі,

Сыплю вам пшанічкі,

Крупак, крошак хлеба!

Вам жа мала трэба!

Ешце, любыя сябры!

Не ляціце ў лес, бары,

А жывіце ў двары

Да вясенняе пары.

Вось для вас кармушкі,

Птушкі-шчабятушкі,

Нашы весялушкі!